Tree-beekeeping Chronicles

Прыйшла вясна і бортніку вельмі шмат працы, ажно не хапае часу ўсё зрабіць. Гэта час, калі бортнік пачынае тварыць свае вуллі-калоды і борці-дупла, каб туды пасяліліся пчолы. Гэта адзін з самых адказных перыядаў для бортніка, бо ад таго, як правільна і якасна зроблена праца залежыць цэлы год, а ўвосень - "ўраджай".

Што толькі не было ў гэтым годзе: вясна з вадой (некаторыя рэчкі Палесся разліліся ў шырокія моры), снег пасярод дня, цеплыня і моцны вецер. Але ж якраз пад самага Юр'ю стала цяплець і нарэшце прырода пачала ажываць. То бортніку трэба спяшацца, каб пачысціць і затварыць свае вульлі. А часам прыходзіцца вуллі ставіць на свае месцы высока над зямлёй, каб скалля пабачыла яго і прывяла з сабой каралеву-матку са сваёй дружынай і сяброўкамі.

Ніжэй невялікі фота-рэпартаж, дзе будзе палескі конік, калода-вулей, дубы, дзеці і бортнікі.